Tiniyak ng Malakaniyang na nananatili pa rin ang kumpiyansa si Pangulong Rodrigo Duterte kay Justice Secretary Vitaliano Aguirre.
Ito’y sa kabila ng umano’y sablay ng kalihim matapos idawit ang ilang miyembro ng oposisyon sa pagpaplano at pakikipag-ugnayan sa grupong Maute para salakayin ang Marawi City.
Ayon kay Presidential Spokesman Ernesto Abella, ginagawa lamang ni Aguirre ang kaniyang trabaho at marahil bahagi lamang ng istratehiya nito ang kaniyang mga ginagawa at sinasabi.
Kasunod nito, wala namang balak ang palasyo na sawayin si Aguirre sa pagsasalita nito kaugnay sa nangyayaring krisis sa Marawi City sa kasalukuyan.
By: Jaymark Dagala / Aileen Taliping
