Posibleng balasahin umano ni Pangulong Rodrigo Duterte ang buong Bureau of Corrections (BuCor).
Ito ang inihayg ni Senate President Vicente Sotto III kaugnay sa mga pinalayang bilanggo na convicted sa heinous crimes sa New Bilibid Prison dahil sa Good Conduct Time Allowance (GCTA).
Ayon kay Sotto, sa pagkakakilala niya sa Pangulo hindi niya basta-basta palalampasin ang mga kontobersyang dumaan sa BuCor.
Una rito ipinahayag ni Sen. Bong Go na nagsagawa ng hiwalay na imbestigasyon si Pangulong Duterte hinggil sa kurapsyon sa BuCor na posibleng may kaugnayan sa paglaya ng higit 1,000 preso na sangkot sa heinous crime.
