Ikinadismaya ni Pangulong Rodrigo Duterte ang mabagal na proseso ng land conversion sa DAR o Department of Agrarian Reform.
Hindi nagustuhan ng pangulo ang tambak na requirements na hinihingi para sa land conversion at ang bulok na sistema ng mga tulisan sa mga kinauukulang ahensya ng pamahalaan na kapag walang padulas ay hindi rin gagalaw ang proseso ng pagbibigay ng permit.
Ito’y makaraang makarating din ang ulat sa pangulo hinggil sa mga nakatenggang permit na dalawang taon nang nakabinbin at hindi inaaksiyunan.
Ipinag-utos ngayon ng punong ehekutibo na magkaroon ng mas organisado at epektibong proseso sa pagkuha ng permit para sa land conversion upang matiyak na walang mangyayaring iregularidad sa pag-i-isyu ng mga ito.
