Tiniyak ng Armed Forces of the Philippines (AFP) na mananagot ang mga sundalong matutukoy na nagpaputok ng kanilang baril sa pagsalubong ng Bagong Taon.
Pahayag ito ni Col. Restituto Padilla, Spokesman ng AFP, bilang reaksyon sa kumakalat ng video sa facebook kung saan ipinakikita ang mga lalakeng may hawak na baril at may nakasulat na Army sa t-shirt.
Kasabay nito, hinikayat ni Padilla ang publiko na maghain ng kanilang reklamo o sumbong kung may nakita silang mga sundalo na gumamit ng baril sa pagsalubong sa Bagong Taon.
“Maganda yan dahil meron tayong video evidence kasi karamihan po ng ating pag-iimbestiga ay kailangan may ebidensya, ito po ay magiging ebidensya kung mapatunayan at ma-identify natin kung sino ang mga ito, makakaasa po kayo na ang angkop na kaparusahan ay ibibigay natin.” Pahayag ni Padilla.
By Len Aguirre | Ratsada Balita
