Dapat ng magtalaga si Pangulong Rodrigo Duterte ng mga bagong COMELEC Commissioner ngayong nalalapit na ang eleksyon.
Ito ang panawagan ni Senator Francis Tolentino sa gitna ng tambak na trabaho sa COMELEC, mahigit isang linggo matapos magretiro ang tatlong commissioners.
Magugunitang nagretiro sina dating COMELEC Chairman Sheriff Abas, dating commissioners Rowena Guanzon at Antonio Kho Junior.
Dahil dito, apat na lamang ang natirang commissioners at isa sa kanila si Commissioner Socorro Inting na acting chairperson.
Ayon kay Tolentino na vice chairman ng Senate Committee on electoral reforms, may quorum naman ang apat pero mas magi kung kumpleto sila.
Naka-bakasyon ngayon ang kongreso kaya ad interim ang itatalaga ng pangulo, nangangahulugang maaari nang agad manungkulan kahit hindi pa nakukumpirma ng Commission on Appointments. —sa ulat ni Cely Ortega-Bueno (Patrol 19)