Binisita ni Pangulong Rodrigo Duterte ang burol ni Ako Bicol Party list Rep. Rodel batocabe sa Daraga, Albay.
Dakong alas nwebe kagabi nang dumating si Pangulong Duterte sa burol ng pinaslang na kongresista sa Arcilla Hall ng Bicol University.
Personal na nagpaabot ng pakikiramay si Pangulong Duterte sa pamilya Batocabe.
Ayon sa pangulo, hindi siya magdadalawang-isip na puntahan ang isang pulitiko sa Albay na hinihinalang nasa likod ng krimen upang komprontahin, sampalin at kakaladkarin kita kung may ebidensya.
Samantala, inanunsyo naman ng punong ehekutibo na dinagdagan niya ng P20 million ang pabuya sa sinumang makapagtuturo sa pumatay sa kongresista kaya’t lumobo na sa kabuuang P50 million ang reward.
