Kinumpirma ni Senate Majority Leader Vicente Sotto III ang pakikipagpulong ng ilang senador kay Pangulong Rodrigo Duterte.
Pero agad nilinaw ni Sotto na walang kinalaman kay SPO3 Arthur Lascañas o tungkol sa Davao Death Squad (DDS) ang kanilang pinag-usapan sa pulong.
Una nang ibinunyag ni Senador Leila de Lima na ipinatawag sa Malacañang ang ilang senador makaraang manalo sa botohan ang pagbubukas ng imbestigasyon sa DDS o Davao Death Squad.
Umaasa si De Lima na maninindigan sa kanilang mga naging boto ang mga senador na pumabor na isalang uli sa hearing si Lascañas.
By Len Aguirre
