Pinawi ng United Broilers Raisers Association ang pangambang tumaas ang presyo ng manok at iba pang kauri nito dahil sa pagtaas ng presyo ng mais na ginagawang feeds o pagkain para sa mga manok.
Ayon kay Elias Inciong, pangulo ng grupo, walang impact sa farm gate ng manok ang mas mataas nilang gastos sa pagkain dahil nakasalalay ang kanilang presyuhan sa supply and demand.
Maaari lamang anyang tumaas ang presyo ng manok kung maraming producers ang titigil sa pag-aalaga dahil sa mataas na presyo ng feeds.
Gayunman, sinabi ni Inciong na hindi naman nila kontrolado ang presyo ng manok pagdating nito sa mga pamilihan.
Inihalimbawa ni Inciong nung panahong mayroong bird flu kung saan halos kinse pesos (P15) na lang ang farm gate ng manok pero 130 pesos pa rin ang presyo nito sa mga palengke.
—-
