Nanawagan sa pamahalaan ang pamilya ng Overseas Filipino Worker o OFW na si Jennifer dalquez na tulungan sila mabigyan ito ng pardon upang makalaya at makauwi na sa bansa.
Ayon sa ina ni Jennifer na si Ginang Ragima Dalquez, sa Disyembre 12 ng susunod na taon matatapos ang limang taong sintensya kay Jennifer sa United Arab Emirates o UAE.
Magugunitang naglabas ng bagong kautusan ang korte ng UAE na nagliligtas kay Jennifer sa parusang bitay kasunod ng kasong pagpatay na isinampa laban sa kaniya.
Kasalukuyang nasa ligtas na kalagayan na umano si Jennifer habang nakakulong ito at inaasahang makauuwi ito sa bansa sa buwan ng Oktubre kung mapagbibigyan ang hiling nilang pardon.
—-
