Ipinag-utos ni health secretary Francisco Duque III ang pamamahagi ng mga prepositioned supply at face masks sa mga residenteng naapektuhan ng pagputok ng Bulkang Bulusan.
Ayon kay Duque, kabilang sa mga ipapamahagi ang N-95 masks at N-88 surgical masks upang maprotektahan ang mga residente mula sa epekto ng ashfall.
Patuloy naman aniya ang pamamahagi ng hygiene kits, tubig at water containers partikular sa bayan ng Juban.
Sinabi pa ni Duque na patuloy ding mino-monitor ng mga local frontliner ang sitwasyon sa mga evacuation center.
