Matumal pa rin ang interes ng mga dating POGO Workers sa job fair na ikinakasa ng Department of Labor and Employment.
Ayon kay Labor Secretary Bienvenido Laguesma, kakaunti lamang ang dumalo sa apat na job fair na isinagawa noong nakaraang taon upang matulungan ang mga dating pogo worker na makahanap ng bagong trabaho.
Isa anya sa nakikita nilang dahilan kung bakit kaunti ang nag-aapply ay dahil sa malaking deperensya sa sahod.
Binigyan-diin ng Kalihim na karamihan sa mga trabahong iniaalok sa jobs fair ay nasa entry-level o minimum wage lang, kung saan malaki ang deperensya kumpara sa kinikita nila noon sa POGO industry.
Sa datos ng DOLE, nasa mahigit 40,000 na mga manggagawa ang naapektuhan ng pagsasara ng mga POGO sa bansa. – Sa panulat ni Kat Gonzales
