Mula sa pagiging special envoy to the United States, itinalaga si Jose Manuel “Babe” Romualdez bilang Philippine Ambassador to US.
Ayon kay Presidential Spokesman Ernesto Abella, umaasa ang Palasyo na mas magiging maayos ang ugnayan ng Pilipinas at Amerika sa pag-upo ng bagong sugo ng Pilipinas sa Amerika.
Sakop ng trabaho ni Romualdez bilang US Ambassador ang Caribbean Region gaya ng mga bansa ng Jamaica, Haiti, Trinidad and Tobago, Barbados, Dominican Republic at iba pa.
Matatandaang umasim ang relasyon ng Pilipinas at Amerika dahil sa pagkastigo ng dating US Administration kay Pangulong Rodrigo Duterte kaugnay sa pinalakas na kampanya kontra iligal na droga sa bansa.
- Meann Tanbio | Story from Aileen Taliping
