Tikom ang Malacañang hinggil sa umano’y kahandaan ni MMDA General Manager Nicolas Torre III na tumulong sa pag-aresto kay Sen. Ronald dela Rosa.
Ayon kay Palace Press Officer Claire Castro, wala pang direktang pahayag si Pangulong Ferdinand Marcos Jr. tungkol sa usapin kaya ayaw muna itong pangunahan ng Malacañang.
Sinabi ni Castro na sapat naman ang puwersa ng National Bureau of Investigation at ng Philippine National Police, lalo na ang CIDG, upang hanapin at arestuhin ang senador.
Dagdag pa niya, maaari ring makatulong ang publiko sakaling mamataan o makita si dela Rosa.
Nauna nang sinabi ng Department of Justice na epektibo na ang arrest warrant laban kay dela Rosa kaya gagamitin ng pamahalaan ang lahat ng legal na hakbang para maipatupad ito ayon sa batas. | Gilbert Perdez (Patrol 13)
