Nilinaw ng Malakanyang na hindi ‘anti – poor’ ang public utility vehicle (PUV) modernization program ng administrasyong Duterte, taliwas sa pahayag ng ilang transport group.
Ayon kay Presidential Spokesman Harry Roque, tinitiyak ng gobyerno sa mga jeepney driver na hindi sila mababalewala sa improvement ng public transport sector.
Ginagawa aniya ng Department of Transportation o DOTr ang lahat ng paraan upang ayusin ang transport facilities sa pamamagitan ng modernization program, maging ang pagtiyak na tutugunan ang hinaing ng mga drayber ng PUV.
Kabilang sa mga hakbang ng DOTr ang pagkakaroon ng probisyon sa financing scheme para sa pagbili mga bagong jeepney units sa pamamagitan ng Development Bank of the Philippines’ (DBP) Support Alternative Driving Approaches Program at Landbank of the Philippines’ Special Environment – Friendly and Efficiently Driven Jeepney Program.
Nag – aalok naman ang Department of Finance (DOF) ng 5% equity, 6% interest rate at repayment period na hanggang pitong (7) taong financing package bukod pa sa P80,000.00 subsidy kada unit.