Walang epekto sa Malacanang ang mga lumalabas na survey ratings ng mga presidentiables kung saan hindi pa rin umaangat ang manok ng administrasyon.
Sinabi ni Presidential Communications Secretary Sonny Coloma na nagsimula sa single digit ang rating ni Mar Roxas subalit ngayon ay tumatabla na sa ilang kapwa presidentiables.
Indikasyon lamang aniya ito na lumalakas na ang suporta sa kandidato ng administrasyon dahil sa isinusulong na tuwid na daan.
Sinabi ni Coloma na matibay ang paninindigan ni Pangulong Benigno Aquino III na mananaig pa rin ang tiwala ng publiko sa tuwid na daan .
By: Aileen Taliping (patrol 23)
