Nag trending sa social media ang Smart PLDT matapos dagsain ng reklamo ng netizens dahil sa malawakang fiber outage kagabi.
Kabilang sa mga naapektuhan nang pagloloko ng signal ng Smart PLDT ang San Luis, Aurora, Batangas City, Calamba, Laguna, Taytay, Rizal, Maynila, Mandaluyong City, Gamay, Northern Samar, Talisay City, Cebu, Iloilo City, Cebu City, Pilar, Bohol, Cagayan De Oro, Misamis Occidental, Isabela, Basilan, Davao City at Isabela, Basilan.
Galit na binatikos ng netizens ang Smart PLDT dahil sa nasabing outage na nakasira sa pang araw araw nilang aktibidad tulad na lang ng online class at mga naka work from home.
Tinawag ng ilang netizens ang nasabing telecoms na sinungaling dahil taliwas sa nangyayari ang pagmamalaki ng Smart PLDT bilang nangungunang network na mayruong pinakamabilis o pinakamalakas na signal.
Nanggigigil ang netizens sa naranasang outage mula sa Smart PLDT dahil nagbabayad naman anila sila on time ng kanilang internet bill.
Hindi naman kinagat ng market investors ang pahayag ni Businessman Manny Pangilinan na undervalued ang pldt kumpara sa mga kalaban nitong Globe Telecom at Converge.
