Posibleng na misinterpret lamang ang naging pahayag ni Vice President Leni Robredo hinggil sa anti-drug war ng Administrasyong Duterte.
Sinabi ito sa DWIZ ni Philippine Drug Enforcement Agency (PDEA) Chief Aaron Aquino dahil tiyak na maraming aalma kapag isinulong ninuman na ipatigil ang anti-drugs campaign ng gobyerno.
Ayon pa kay Aquino, wala na rin naman dapat i-assess pa sa kampanya kontra ilegal na droga dahil puspusan na ang hakbangin simula nang umpisahan itong ikasa, magtatatlong taon na.
Wala rin namang kailangan ire-assess sa ginagawa ng istasyon ng PDEA sa ‘min, for the past 2 and a half years makikita naman natin ang taas ng accomplishment na ginawa namin — in terms of arrest, in terms of seizures, in terms of drug clearing of barangay, makikita mo nandoon lahat,” ani Aquino.
