Ipinanawagan ni Albay 2nd District Representative Joey Sarte Salceda sa Food and Drug Administration (FDA) ang mabilis na pagtutok nito sa emergency use authorization (EUA) ng mga Retroviral na gamot para sa COVID-19 gaya ng Molnupiravir.
Ayon kay Salceda, target pagtuunan ng pansin ng Kamara kung paano mabilis at mas madaling malunasan ang COVID-19.
Giit ni Salceda si DOH Undersecretary Maria Rosario Vergeire na mismo ang nagsabing nakitaan ng napakagandang resulta ang 89 na ospital na gumamit ng Molnupiravir kahit walang EUA. —sa panulat ni Airiam Sancho
