Inihain na kahapon ng grupo ng manggagawa ang petisyon sa hirit na P100 minimum wage increase sa National Capital Region (NCR) sa gitna ng walang-puknat na pagtaas ng presyo ng mga bilihin.
Ayon kay Partido ng Manggagawa President Rene Magtubo, natapyasan ng P70 ang purchasing power sa Metro Manila dahil sa pagsirit ng inflation rate na inaasahan hanggang sa susunod na taon.
Inihayag naman ni Labor Secretary Bienvenido Laguesma na pag-aaralan muna ng wage board ang petisyon at babalansehin ang ilang factors sa hiling na umento.
Samantala, iginagalang naman ng Employers Confederation of the Philippines (ECOP) ang hiling ng labor groups.
Gayunman, ipinunto ng ECOP na 10% lamang ng mga manggagawa ang maaaring makinabang sa hirit na umento. —sa panulat ni Jenn Patrolla