Umani ng suporta mula sa iba’t ibang grupo ng mga Senior Citizen’s ang inihaing panukalang batas ni Senador Bam Aquino.
Ito’y para sa paglikha ng National Commission for Senior Citizens na naglalayong matiyak na protektado ang karapatan ng mga nakatatanda at maibigay ang karampatang benepisyo para sa kanila.
Kahapon, nakipagpulong kay Senador Aquino ang mga grupo ng Senior Citizens para magpahayag ng kanilang suporta sa pagsasabatas ng Senate Bill 674 na inihain ng Senador.
Ayon kay Aquino, mahalagang magkaroon ng komisyon na tututok sa kapakanan ng mga nakatatanda sa lipunan at mapangalagaan ang kanilang karapatan gayundin ang kanilang kapakanan lalo na sa nalalabing oras ng kanilang buhay.
By: Jaymark Dagala / Cely Bueno
