Muling sinupalpal ni Pangulong Rodrigo Duterte ang mga tumatangging magpaturok ng anti-covid-19 vaccine.
Sa kanyang talk to the people, aminado si Pangulong Rodrigo Duterte na hindi siya malulungkot o walang pagsisisihan kung mamamatay o namatay sa Covid-19 ang mga kontra sa bakuna.
Tugon ito ng pangulo sa ulat ni Health Secretary Francisco Duque na 93% ng mga binawian ng buhay ay unvaccinated.
Iginiit ni Pangulong Duterte na masakit man anyang sabihin pero walang dapat sisihin kung mamatay sa Covid-19 ang mga hindi bakunado dahil desisyon nila ito sa kabila ng paulit-paulit na paghikayat ng gobyerno.
