Inirekomenda ni Camarines Sur Representative Lray Villafuerte kay President-elect Ferdinand Marcos Jr. na magtatag ng food terminal sa bawat rehiyon.
Inihayag ni Villafuerte, ang naging hakbang ni PBBM na pansamantalang pangasiwaan ang Department of Agriculture ay malinaw umano na mensahe na bibigyang prayoridad ng susunod na administrasyon ang sektor ng agrikultura lalo’t may nagbabadyang food crisis. Hiniling rin ni Villafuerte na tulad sa kanyang ama na si dating Pangulong Ferdinand Marcos Sr. na pagtatatag ng FTI o Food Terminal Inc. ay ito rin ang gawin ng bagong presidente sa ilalim ng pamumuno ng DA.
Magugunitang, unang itinatag ang FTI para sa warehousing, food processing, marketing service at trading ng agricultural products.
