Obligado nang magsuot ng face masks ang mga residente ng Quezon City kapag lalabas ng bahay.
Kasunod na rin ito nang ipinalabas na Executive Order No. 25 ni Quezon City Mayor Joy Belmonte na nag aatas sa paggamit ng anumang uri ng face masks, cloth face mask, o anumang kahalintulad nito, kapag lalabas ng bahay para makaiwas sa coronavirus disease 2019 (COVID-19).
Tiniyak din ni Belmonte na mamamahagi sila ng face masks sa mga residente para masigurong makakasunod ang lahat sa nasabing ordinansa.
Nakasaad sa EO na ang lalabag ay maaaring maparusahan tulad ng pagka bilanggo ng isa hanggang anim na buwan o multa na P20,000 hanggang P50,000.
