Tinanggihan ni Senate President Koko Pimentel ang kahilingan ng Senate Committee on Justice and Human Rights na isailalim sa kostudiya ng Senado ang testigong si Edgar Matobato.
Batay sa impormasyong ipinarating ng tanggapan ni Pimentel, walang partikular na Senate rule para pagbigyan ang nasabing kahilingan.
Aniya, wala namang dahilan para isailalim sa kostudiya ng Senado si Matobato dahil wala namang direktang banta ngayon sa kanyang buhay.
Wala ring kaugnayan ayon kay Pimentel ang mga naging alegasyon ni Matobato sa layunin ng isinasagawang imbestigasyon.
By Jaymark Dagala
