Prayoridad ni presumptive president Rodrigo Duterte na ireporma ang PNP o Philippine National Police.
Ayon kay Atty. Salvador Panelo, tagapagsalita ni Duterte, unang una nitong aayusin ang PNP upang maisakatuparan ang binitiwan niyang pangako noong kampanya na lalabanan ang krimen sa loob ng anim na buwan.
Binigyang-diin ni Panelo na kakayanin ni Duterte na mabawasan ang krimen sa loob ng tatlo hanggang anim na buwan lalo pa’t nagawa na niya ito sa Davao City.
Inaasahan aniya nila na mababawasan ang kaso ng murder, kidnapping, rape, theft, robbery, homicide, at smuggling sa ilalim ng Duterte administration.
By: MeAnn Tanbio
