Umakyat na sa 31 ang aktibong kaso ng COVID-19 sa PNP mula sa 27 noong Miyerkules.
Ito’y matapos na makapagtala ang PNP Health Service ng isang recovery at anim na bagong kaso ngayong araw.
Lima sa mga bagong kaso ang unang beses tinamaan ng COVID- 19, habang isa ang re-infection.
Sa kabuuan ay umabot na sa 48,906 ang mga tauhan ng PNP na tinamaan ng COVID -19, kung saan 48,746 ang naka-rekober at 129 ang nasawi.
Samantala, nasa 99.67% ng puwersa ng PNP ang fully vaccinated, kung saan 98.74% dito ang nabigyan narin ng booster shot. —sa ulat ni Gilbert Perdez (Patrol 13)
