Aminado si PNP Chief Dir/Gen. Ronald Bato Dela Rosa na tila kinikilingan nito ang kaniyang mga tauhan bagama’t unang sinabi nito na nasa gitna lamang siya.
Ito ang reaksyon ng PNP Chief nang tanungin hinggil sa desisyon ng Baybay City Regional Trial Court na ibaba sa homicide ang kaso laban kina dating CIDG Region 8 Head Supt. Marvin Marcos at mga tauhan nito.
Ayon kay Dela Rosa, tanggap niya ang nasabing pasya dahil sa ganuon aniya umiiral ang sistema ng criminal justice sa bansa kaya’t ginagalang nila ito.
Maliban sa pagpapababa ng kaso mula sa murder, pinayagan din ng korte na makapagpiyansa si Marcos gayundin ang 19 na tauhan nito na sangkot sa pagpatay kay Albuera Mayor Rolando Espinosa at sa kapwa preso nitong si Raul Yap sa sariling selda nito nuong isang taon.
By: Jaymark Dagala
