Malabo pang maituring na isang uri ng extrajudicial killing ang nangyaring pagpatay kay Albuera, Leyte Mayor Rolando Espinosa.
Ito ang paniniwala ni Volunteers Against Crime and Corruption o VACC Founding Chairman Dante Jimenez makaraang mapatay si Espinosa habang isinisilbi ang search warrant laban sa kanya.
Ayon kay Jimenez, posibleng sadyang pinatahimik ng mga pulis na sangkot sa droga si Espinosa upang hindi na ito makapagsiwalat pa ng mga impormasyon hinggil sa malawakang operasyon ng ipinagbabawal na gamot.
Bahagi ng pahayag ni VACC Founding Chairman Dante Jimenez
Kasunod nito, ikinakasa na ng VACC ang kanilang ihahaing reklamo laban sa mga awtoridad na posibleng nagkaroon ng kapabayaan sa nangyaring insidente.
Bahagi ng pahayag ni VACC Founding Chairman Dante Jimenez
By Jaymark Dagala
