Hihigpitan na rin ng Land Transportation Franchising and Regulatory Board (LTFRB) ang pagpapatupad ng yellow lane na eksklusibo para sa mga bus, simula sa Lunes.
Ito’y kasabay na rin ng pagsisimula ng pangangasiwa ng daloy ng trapiko ng Philippine National Police-Highway Patrol Group.
Maglalagay naman ng concrete barriers ang Department of Public Works and Highways (DPWH) sa EDSA upang walang makakasingit sa yellow lane.
Ayon kay Cabinet Secretary Jose Rene Almendras, bibigyan ng prioridad ang mga bus sa naturang lane, subalit maaari naman itong gamitin sa pag-ikot sa kanan o kaliwa ng ibang sasakyan.
Sinabi ni Almendras na ipapatupad din ang rerouting scheme para sa mga bus simula alas-sais ng umaga hanggang alas-nuebe ng umaga.
By: Jelbert Perdez
