Isinailalim na sa inquest proceedings ang anak ng isang dating heneral na nagpaulan ng bala sa isang pampasaherong van na ikinamatay ng 2 katao kabilang ang isang traffic enforcer ng Metropolitan Manila Development Authority.
Si Jose Maria Abaya ay nahaharap sa 2 bilang ng kasong murder, illegal possession of firearms, multiple injuries at damage to property.
Unang nasawi ang bank executive na si Joyce Santos habang namatay sa ospital ang driver ng van na si Ronebert Ycot.
Matatandaang pinagbabaril ni Abaya ang van na minamaneho ni Ycot sa Katipunan Avenue sa Quezon City.
Sinasabing inakala ni Abaya na kukunin siya ng mga sakay ng van para maipa-rehab.
By: Jelbert Perdez
