Sinimulan na ng Bureau of Immigration o BI ang pagpapatupad ng ‘biometrics’ sa mga international airport kabilang na ang Ninoy Aquino International Airport o NAIA.
Ayon kay Immigration Commissioner Jaime Morente, bahagi ito ng modernization program sa Immigration para mapigilan ang pagpasok sa bansa ng mga “undersirable alien”.
Dalawang linggo na aniyang ipinatutupad ng kanilang ahensya ang Boarder Control Information System o BCIS sa pag-proseso ng lahat ng international passenger na papasok at paalis ng Pilipinas.
Ang BCIS ay ginagamitan ng camera at finger scan device kung saan nakakonekta ito sa database ng BI gayundin sa Interpol at Australian Immigration Department.
—-