Kinumpirma ng Task Force Bangon Marawi (TFBM) na nakumpleto na nito ang inspeksyon at lahat ng dokumento na ipapasa para sa susunod na administrasyon na kailangan upang maipagpatuloy ang nasimulang rehabilitasyon sa Marawi City.
Ayon kay Department of Human Settlements and Urban Development Secretary Eduardo del Rosario, hindi na dapat muling payagan ang terorismo sa lungsod na nasalanta noog 2017 siege sa pagitan ng pwersa ng gobyerno at ng Maute terrorist group.
Habang nagpasalamat naman ito sa Local Government Unit at ang mga opisyal nito gayon din sa Civil Society Organizations, local business sector, at local leaders sa pagbibigay inspirasyon sa kanya na gawin ang kanyang trabaho.
