Nagbabala ang OCTA research group sa posibleng epekto sakaling luwagan pa ang COVID-19 restrictions sa National Capital Region (NCR).
Ayon kay Fr. Nicanor Austriaco ng OCTA research, sa ngayon ay bumaba na sa 0.99 ang reproduction ng number sa NCR ngunit hindi pa aniya ito katiyakan na magtutuloy-tuloy na pagbaba nito.
Kaya hindi umano makabubuti kung agad aalisin ang modified enhanced community quarantine (MECQ) na umiiral ngayon sa NCR dahil posible umanong magresulta ito ng muling pagtaas ng kaso ng COVID-19.
Ang reproduction number ay tumutukoy sa bilang ng tao na kayang hawaan ng isang COVID-19 patient.