Pinag-aaralan pa ng Commission on Elections o COMELEC ang posibleng pagpapalawig ng voters’ registration sa mga lugar na sinalanta ng bagyong Lando.
Ayon kay COMELEC Chairman Andy Bautista, ang pagpapalawig ng pagpapatala ng mga botante ay maaaring ipatutupad sa Region 1, 2, at 3.
Ang voters’ registration at validation ng biometrics ay hanggang Oktubre 31 lamang.
Kasabay nito, inanunsiyo ng COMELEC na maglalatag ito ng satellite registration areas para maserbisyuhan ang mga gustong humabol sa deadline.
By Jelbert Perdez | Aya Yupangco (Patrol 5)
