Tiklo ang isa sa mga miyembro ng Boratong Group na kinilalang si Datumanong Boratong alyas Andong 37-anyos matapos ang ikinasang operasyon kahapon ng Philippine National Police (PNP) sa Barangay Sebole, Quezon, Bukidnon.
Ayon sa pulisya, kabilang si Boratong sa mga high value target at most wanted person ng National Capital Region Police Office (NCRPO).
Ayon sa PNP, miyembro ang nasabing suspek sa Boratong Group na siyang responsable sa Pasig-Shabu Tiange at isa sa mga hitman ng grupo.
Naaresto si Boratong sa pinagsanib na pwersa ng Provincial Police Office, CIDG at NCRPO.
Kasalukuyang nakapiit ngayon sa Regional Intelligence Unit-10 si Boratong na nakatakdang dalhin sa Metro Manila.
RPE
