Ipinagkibit-balikat lamang ni Philipine National Police -Criminal Investigation and Detection Group Director Major General Nicolas Torre ang pagmumura sa kanya ng anak ni dating pangulong Rodrigo Duterte na si Veronica “Kitty” Duterte.
Ayon kay Maj. Gen. Torre, bukod sa pagmumura ni Kitty ay may mas matindi pa siyang naranasan kaya kumapal na aniya ang kanyang balat at sanay na siya sa mura.
Dagdag pa ng PNP-CIDG Chief, pagbigyan nalang si Kitty dahil bata pa ito at marami pang maiintindihan sa mundo, pagdating ng panahon.
Nabatid na sa video na pinost ni Kitty, sa kasagsagan ng pag-aresto sa kanyang ama, ay narinig itong minura si Maj. Gen. Torre.
