Hindi apektado ang anti-carnapping operations ng Philippine National Police-Highway Patrol Group kahit pa ilan sa kanilang mga tauhan ay nakatutok sa pagmamando ng trapiko sa EDSA.
Ayon kay police Sr. Supt. Sheldon Jacaban, Deputy Director for Administration ng HPG, may hiwalay silang yunit na naka-focus sa kanilang operasyon laban sa mga magnanakaw ng sasakyan.
Sinabi ni Jacaban na ang kanilang kakulangan ng tao sa EDSA ay pinupunan ng mga PNP personnel na galing sa kanilang regional offices at sa ibang yunit ng PNP tulad ng PNP-Special Action Force, Metropolitan Manila Development Authority personnel, at local police traffic enforcers.
By: Jelbert Perdez | Jonathan Andal
