Tinawag na propaganda ni Congressman Edgar Erice ang lumulutang na posibleng paglipat umano ng suporta ng ilang miyembro ng Liberal Party kay Davao City Mayor Rodrigo Duterte.
Sinabi sa DWIZ ni Erice, Political Affairs Chief ng LP, na ganyan din ang sitwasyon nuong nagdeklara ng kaniyang kandidatura si Senador Grace Poe subalit sa huli ay wala namang miyembro nila ang sumuporta rito.
“Ganyan din yung sinabi dati noong kampo ni Sen. Poe, yung mga taga LP susuporta sa kanya pero lumabas naman halos wala. Tingin ko mga political propaganda lang yan”
Gayunman binigyang diin ni Erice na hindi maiiwasan sa isang malaking partidong kagaya ng Liberal Party na i-monitor ang galaw ng kanilang mga miyembro .
“Yun ang problema sa malaking partido, hindi mahirap ma monitor lahat di tulad ng mga partido ng iba na konti lamang. Sa halalan natin, wala pa namang maliwanag sa kasalukuyan.” paliwanag ni Erice.
By: Judith Larino
