Grounded ang lahat ng Sokol helicopters ng Philippine Air Force (PAF) matapos bumagsak ang isang kaparehong helicopter sa Puerto Princesa, Palawan sakay ang ilang matataas na opisyal ng Philippine National Police (PNP).
Sinabi ni Air Force Spokesman Col. Antonio Francisco na makakalipad lamang ang anim na iba pang Sokol aircraft pagkatapos ng imbestigasyon sa insidente.
Kaagad namang ipinag-utos ni Air Force Commanding General Lt. General Edgar Fallorina ang pagpapadala ng investigating team sa Palawan na kinabibilangan ng aircraft mechanics para matantya kung paano ire-retrieve ang helicopter.
By Judith Larino
