Nanghihinayang si Sen. Joel Villanueva sa pondong ginastos ng pamahalaan para lagyan ng puting buhangin o white sand ang dalampasigan ng Manila Bay.
Ayon sa senador, maaari pa sanang gamitin ang nasabing pondo sa pangangailangan ng mga mag-aaral o palawakin pa ang tulong sa mga overseas filipino workers (OFW) na apektado ng COVID-19 pandemic.
Magugunitang P350 milyong ang naging gastos ng Department of Environment and Natural Resources (DENR) para maglagay ng puting buhangin sa Manila Bay.
Giit ni Villanueva, hindi naman madaraan sa pagandahan ang pagpo-protekta sa kalikasan lalo’t kung may masasakripisyong isang lugar sa bansa para mapaganda ang isa pang lugar.
