Pinangangambahan ang paglaganap pa ng 2019 coronavirus disease (COVID-19) sa Amerika.
Dahil dito, hinimok ng mga opisyal ng Centers for Disease Control and Prevention (CDC) ng Amerika ang local governments, mga negosyo at paaralan na kaagad bumuo ng plano para hindi na kumalat pa ang nasabing sakit.
Kabilang sa isinulong ng CDC ang pagpapaliban sa mass gatherings at pagpapatupad ng teleworking.
Pinangangambahan din ng U.S. health officials ang posibilidad na maapektuhan ang drug supply chain sa Amerika lalo at malaking bahagi ng sangkap sa paggawa ng gamot ay mula sa China.
Sinabi ni CDC senior official Nancy Messonnier na inaasahan na nila ang community spread ng COVID-19 na ang kaso sa Estados Unidos ay pumapalo na sa 57.
