Ilang matataas na lider ng kamara ang umano’y lumabag mismo sa COVID-19 health protocol.
Kinabibilangan ito nina House Speaker Lord Allan Velasco, Deputy Speaker Mikee Romero, Diwa Partylist Rep. Mike Aglipay at House Secretary-General Dong Mendoza.
Batay sa ulat, na-exposed sa COVID-19 ang mga mambabatas nang makasama nila si TESDA Director Isidro Lapeña sa isang pagtitipon kasama ang mga alumni ng Philippine Military Academy
Ngunit sa halip na mag-self quarantine ang mga ito ay dumadalo pa rin sa mga pagdinig sa kamara kung saan maaaring malagay sa kumpromiso ang kanilang mga staff at iba pang kapwa mambabatas.
Magugunitang kinumpirma ni Sen. Joel Villanueva na nagpositibo sa COVID-19 si Lapeña matapos dumalo sa senate hearing noong ika-20 ng Nobyembre at kinabukasan ika-21 ay nakuha nito ang kaniyang positive result.
Dahil dito nanawagan ang mga kawani ng kamara kay Velasco na paigtingin ang ipinatutupad na protocol laban sa COVID-19 dahil sa tila masyado anilang relax na pagsunod sa guidelines sa ilalim ng bagong house leadership.—ulat mula kay Jaymark Dagala (Patrol 9)