Iniimbestigahan na ng Department of Health (DOH) ang pagkamatay ng isang British national sa coronavirus disease 2019 (COVID-19) matapos na ‘di umano’y tanggihan ng ospital sa Cebu.
Ayon kay Foreign Affairs Secretary Teddy Boy Locsin nagpaabot na sila ng pakikiramay at paghingi ng paumanhin sa embahada ng Britanya hinggil sa nangyari sa kanilang kababayan.
Batay anya sa paliwanag ng ospital sa Mandaue, puno na sila at hindi na nila kayang tumanggap ng dagdag na pasyente ng COVID-19 kaya’t pinadala sa ibang ospital ang British national.
Gayunman, walong oras umanong nag-antay sa ambulansya ang dayuhan hanggang sa tahimik na itong sumakabilang buhay.
