Ibubunyag na ni Senator Antonio Trillanes IV ang pagkakakilanlan ng taong nag-imbento umano ng kanyang mga bank account sa ibang bansa at nagpadala ng impormasyong ito kay Pangulong Rodrigo Duterte.
Ayon sa senador, isisiwalat niya ito sa kanyang privilege speech sa senado ngayong linggo.
Nagpapakilala umano ang taong ito bilang dating US Federal Agent at maraming koneksyon na pulis.
Natyempuhan aniya nito ang grupo ng Pangulo na nagkataong naghahanap naman umano ng butas laban sa kanya.
Ayon kay Trillanes, ito rin ang ginawa kay Senadora Leila De Lima matapos niyang mapansin na halos magkapareho ang detalye ng bank accounts na inuugnay sa kanilang dalawa.
