Tukoy na ng Philippine National Police ang pagkakakilanlan ng dalawang suspek sa pagpatay sa vlogger na si Alicia Lipata, na kilala rin bilang “Mima Alicia.”
Kinumpirma ni PNP Public Information Office Chief Col. Allen Rae Co na posibleng miyembro ang mga suspek o inupahan ng isang sindikato para ipapatay ang biktima.
Patuloy aniya ang hot pursuit operation ng mga otoridad laban sa mga nasa likod ng krimen.
Hulyo a-disi siyete ng madaling araw nang pagbabarilin si Lipata sa labas ng kaniyang inuupahang bahay sa Tierra Nova Subdivision, sa Barangay 171, Bagumbong, Caloocan City.
