Iginiit ng International Criminal Court na mahalaga ang panahon na ito para sa mga sinasabing biktima ng ‘war on drugs’ ni dating Pangulong Rodrigo Duterte.
Binigyang diin ni ICC Chief Prosecutor Karim Khan na importante sa mga biktima ang ginawang pag-isyu ng ICC Ng arrest warrant laban sa dating pangulo.
Dagdag pa nito, hindi man ganoon kalakas ang international law, kung magtitipon-tipon naman ang lahat ay mananaig pa rin ang batas.
Matatandaang lumapag na ang sinasakyang eroplano ni dating Pangulong Duterte sa The Hague, Netherlands kaninang mag-a-alas-dose ng hatinggabi (oras sa Pilipinas). —sa panulat ni Alyssa Quevedo
