Iimbestigahan ng Department of Agriculture (DA) at Philippine Competition Commission (PCC) ang posibleng manipulasyon sa presyo ng bigas.
Lumagda sa memorandum si Agriculture Secretary William Dar at PCC Chairman Arsenio Balicasan para sa information at resources sharing sa pagitan ng dalawang ahensiya ng gobyerno.
Ayon kay Agriculture Secretary William Dar, nais nilang malaman kung bakit hindi bumababa ang presyo ng bigas gayong nailabas na sa merkado ang 3.4M sako ng bigas ng National Food Authority (NFA).
Dagdag pa dito ang tone – toneladang imported na bigas na pumasok sa bansa simula nang maipatupad ang Rice Tariffication Law (RTL).
Titignan kung nagkakaroon ng ‘fair trade’ o nagkakaroon ng sabwatan sa pagitan ng importers, traders, at millers.