Isinusulong ng Department of Education ang digital innovation and integration ng artificial intelligence para sa pag-aaral ng mga estudyanteng may special needs.
Layon nitong mapaunlad ang alternative delivery modes at Alternative Learning System (ALS) sa bansa.
Kabilang sa inisyatiba ang pagpapalawak ng access sa special education kung saan papalitan ang SPED Centers ng inclusive learning resource centers.
Sinabi ni Education Secretary Sonny Angara na makatutulong ang inisyatiba upang mapabilis ang access sa pag-aaral ng mga mag-aaral na may kapansanan. —sa panulat ni Mark Terrence Molave
