Posibleng matapos na ang ginagawang pagdinig ng Senate Blue Ribbon Sub Committee hinggil sa mga usaping katiwaliang ibinabato laban kay Vice President Jejomar Binay.
Ito ang ipinahiwatig ni Senate President Franklin Drilon kung saan, sinabi nitong sa kaniyang palagay, may sapat nang mga testimoniya at documentary evidence para makagawa ng committee report ang Chairman ng Sub Committee na si Senador Koko Pimentel.
Batay sa natanggap na impormasyon ni Drilon, nakatakda nang magpalabas ng partial committee report ang naturang komite bagay na kinumpirma mismo ni Pimentel.
Sinabi ni Pimentel, mayroon na silang ginawang draft ng partial committee report na maari nilang ipalabas sa publiko sa mga susunod na araw.
By Jaymark Dagala | Cely Bueno (Patrol 19)
