Matatagalan o posibleng hindi na makaapak pang muli sa Davao City si Senador Antonio Trillanes IV.
Ayon kay Davao First District Councilor Mabel Zunga Acosta, buong Davao ang galit sa mga aniya ay kasinungalingang ipinagkakalat ni Trillanes tungkol sa Davao City kaya’t malabong bawiin nila ang pagdeklarang persona non grata sa senador.
Binigyang diin ni Acosta na wala rin silang plano na humingi ng public apology kay Trillanes.
Si Trillanes ay idineklarang persona non grata sa Davao dahil sa pagkakalat di umano ng kasinungalingan na murder at rape capital ang Davao City.
“Sa ngayon lalo na sa sentimyento ng mga taga-Davao, ewan ko lang kung madaan pa ito sa apology, ang nasaktan po kasi ay hindi lang isang tao kundi ang buong populasyon, medyo mahirap-hirap sigurong mabawi pa.” Pahayag ni Acosta
(Ratsada Balita Interview)
